Gilibkas na sa InterAgency Task Force (IATF) 7 ang hard lockdown sa 5 ka mga barangay sa dakbayan sa Sugbo, Hulyo 12, 2020.
Si Atty. Ian Kenneth Lucero, pangulo sa City DILG nitug-an wala nay lockdown sa sityo Zapatera sa barangay Luz, Villagonzalo sa barangay Tejero, Alaska sa barangay Mambaling, Callejon sa Labangon ug
barangay Bacayan.
“The RIATF7-MEID favorably acted on the request of the Cebu City Government based on the data presented by the Police Regional Office 7 which forms part of the resolution , wherein the latter recommended for the lifting of hard lockdown in the above mentioned areas” Tipik sa resolution sa RIATF-7 nga gipirmahan ni RD Leocadio Trovela isip chairman.
Matod ni Lucero nga gipahibawo na nila si Mayor Edgardo Labella, mga pulis ug barangay kapitan apan iyang gipadayag mga estrikto gihapon nga ipatuman ang protocol ug guidelines sa Enhanced Community Quarantine.
Ang maong mga sityo gipaubos sa lockdown dihang nigrabe ang kaso sa Covid-19 sa ilang lugar apan nadugay paglibkas sanglit ang hukom sa mayor paglibkas sa gi-lockdown kinahangkan pang aprobahan sa RITF7-MEID.